اليوم والله ودي أتكلم عن البنية التحتية للكويت .. يمكن هـ الموضوع مستهلك والكل تكلم عنه
لكن من باب الفضفضة بكتب رايي ..
::
اول شي بتكلم عن المستشفيات ..
خلال السنين اللي طافت .. جم منطقة فتحوها .. شكثرر .. وكل منطقة يتم افتتاحها يقطونها على المستشفى القريبة منها ..
سمعنا انهم بيبطلون لنا مستشفيات .. وصارت بالنسبة لنا مثل بيض الصعو نسمع فيه وما نشوفه
والله عاد على خدمات المستشفيات .. اول ما تروح مسافط تخليك تكره حياتك
تالي تدش عند الكتبة .. إذا كانت بنت انطرها لين تخلص من مكالمتها .. وإذا احد كلمها تطنش أخاف نشتغل عن ابوها بس :)
وشغلات والله لو يقولها الواحد ما يحص من وراها إلا رفعة الضغط
احنا ديرة الله انعم علينا بالفلوس .. وأكو ناس ماشاء الله عندهم افكار تنشرى بفلوس
استغلوها ......
::
المدارس .. بنيانها ما يصلح للاستخدام الآدمي
الصفوف مكسرة .. الأدراج طلعت ريحتها .. السبورة المدرس ما يقدر يكتب فيها من كثر ماهي مستهلكة .. غرف المدرسين والمدرسات كأنها محكر حمام
الحل ... مثل ما حطيتوا مناهج مطورة .. نبي بنيان مطور .. نبي تكييف :) صدعنا من المكيفات لووول
::
انا ابي اعرف صج والله المجلس البلدي شنو وظيفته ؟؟
ليست هناك تعليقات:
إرسال تعليق