الاعتصام

السلام عليكم

::

يوم الخميس اللي طاف وصلني مسج من رفيجتي تقول شرايج نروح الاعتصام اللي بيسوونه مجموعة أبناء الجابرية بساحة الإرادة واللي ينادون فيه «الشيعة والسُنة ضد من يثير مشاعر الكويتيين من خلال تأبين من لا يستحق التأبين». ويطالبون فيه بمحاسبة عبد الصمد ولاري .. قلت خوش

::

واليوم الصبح تفاجأت بمسج منها تقول ألغوا الاعتصام .. دقيت عليها .. قالت لأن مجموعة ثانية تؤيد عبدالصمد ولاري هم بيسوون مهرجان خطابي .. وبيتحدون (( الداعين إلى الوحدة )) ؟؟!!

::

اعتصام المجموعة الاولى .. قلنا يدعون إلى الوحدة ونبذ الفتنة ..لكن المجموعة الثانية هذي وين رايحة ؟؟ ومنو هم أصلا ؟؟ يا ناس صار بين الكويتيين طفيليات لازم تنشال ..والله يستر لا تكون هذي بداية فتنة

ما نقول إلا الله يحفظ لكويت من كل شر وفتنة .. آميييييييييين

::